增加行房次數係咪真係可以提高懷孕機會???

2018-5-7


男方儲埋儲埋等女方排卵日先用,係咪真係可以「養精蓄銳」,然後一擊即中?咁密密行房,例如每晚1次係咪好D?大家諗多咗⋯⋯

其實太密太疏都不適宜。行房太密(例如1晚1次)有可能會減低,精液中精蟲嘅數量,又會為夫婦增添壓力,所以真係唔好太激進!

之但係如果行房太疏(超過 1 星期 1 次)亦有可能降低精蟲嘅活躍能力。

咁點搞??多又唔,少又唔掂⋯⋯

婦產科專科醫生同家計會都會建議,夫婦喺平常日子可`保持一星期行埋2至3次,如果喺女方排卵期間就可增加行房次數,例如隔日一次,來提高受孕嘅機會。「造人」都係唔好太急或太懶,咁就VERY GOOD啦!