冷凍卵子/雪卵其實係乜東東?

2018-6-4


即係卵子冷凍保存技術,係透過「玻璃化冷凍技術」來儲存成熟嘅卵子,留待日後使用, 為女性保存佢嘅生育能力。

過程包括利用荷爾蒙刺激卵巢,促進多粒卵泡嘅發展,增加一個週期可以抽到嘅卵子數量。 透過手術將成熟嘅卵子攞出嚟,通過玻璃化冷凍保存。

玻璃化冷凍係一個超速嘅冷凍方法, 將卵子放喺冷凍保護劑裏面之後,喺液態氮氣中快速冷卻。

已經冷凍咗嘅卵子就可以儲存喺液態氮氣之中 ,一路等到該女性計劃懷孕嘅時候使用。

而香港可以冷凍嘅年期係10年。